Il cling da l’ova

L’ova, l’elemaint da basa per mincha esser vivaint sün terra, sto I’l center dal nouv program da referats da forum refurmo. Duos persunaliteds cuntschaintas e dal fat refereschan cumünaivelmaing sur da l’ova, minchüna partind da differents puncts da vista chi s’uneschan pero listess in stretta colliaziun. La saireda es ün’avischinaziun narrativa, teologica e musicala al gir da la vita. Ernst Bromeis es ambaschadur per l’ova e nudeder d’expediziuns. El quinta da sias aventüras sün, in e cun l’ova tal viedi da las funtaunas in Grischun fin tal sbuchamaint dal Rain i’l Mer dal nord. Cornelia Camichel es ravarenda refurmeda. Ella do sün quist viedi impuls teologics areguard la significaziun e l’importanza da l’ova i’l context cristiaun e religius. Il viedi nautic ho ün “fil blov” cun chanzuns rumauntschas e tudas-chas chi invidan da chanter. Il referat es public ed in lingua tudas-cha. Minchüna e minchün es bainvis. El ho lö venderdi, ils 13 da settember a las uras 19:30 in l’aula da l’Academia Engiadina a Samedan.